Tusen TAKK til alle frivillige for at de laga Malakoff 2019 til #denbestefestivalopplevinga, vi er så stolte av og glade i dykk!
Venleg helsing rørt og takknemleg arrangør Malakoff
Har du spørsmål eller ønskjer informasjon, kontakt oss gjerne på vår Facebookside eller send epost til Denne e-postadressa er beskytta mot program som samlar e-postadresser. Du må aktivere javaskript for å kunne sjå den..
Rekrutteringa av frivillige til Malakoff 2020 byrjar i april, følg med då!
Ordensvakt (18+)
Også kalla ordens- og trivselsmedarbeidar. Her er oppgåva di å sjå til at folk trivast og at der er ro og orden på området slik at alle har det bra! Her får du tildelt eitt område (amfi-/inneområde, uteområde, barområde, inngangsområde eller backstageområde), men flytting av vakter mellom områda vert utført ved behov. 18 års aldersgrense
Barpersonell (18+)
Bak bardisken er det høgt tempo og topp stemning! Her tappar og sel du øl og andre barvarer til tyste festivalgjengarar. 18 års aldersgrense
Mat-/kioskpersonell
Ein mett malakoffar er ein nøgd malakoffar. Du lagar og sel ettertrakta rockemat til svoltne festivalgjengarar.
Miljøarbeidar
Ein super jobb for deg mellom 14 og 18 år. I lag med ordensvaktene held du orden og trivsel på festivalområdet.
Gratis adgang til festivalområdet den dagen du har vakt (før og/eller etter vakta di). Har du to vakter i løpet av festivalen, får du adgang til festivalområdet fredag og laurdag.
Frivillige kan betale for å oppgradere to-/tredagarsbillett til også å gjelde camp. Kontakt oss på Denne e-postadressa er beskytta mot program som samlar e-postadresser. Du må aktivere javaskript for å kunne sjå den. eller Facebook.
Du jobbar på tildelte arbeidstider som er mest hensiktsmessige for festivalen, men vi prøver å strekkje oss etter ønske og behov. Bruk kommentarfeltet i påmeldingskjemaet om det er spesielle tider som ikkje høver.
Vår jobb som frivillige er å ta vare på gjestar og område. Vi har også eit ekstra ansvar for å spreie god festivalstemning til alle rundt oss.
VI er blide, høflege og imøtekommande mot alle
VI svarer på spørsmål når vi kan, eller viser til informasjonskanalar: app, heimeside, Facebook osv
VI er Malakoff og Eid sine gode ambassadørar
VI ber om hjelp når noko er vanskeleg
VI hjelper kvarandre
VI er alltid edru og rusfri på jobb for Malakoff
VI gjer den jobben vi blir sett til og følgjer instruksane vi får
VI går med ID-kort samt vaktvest eller forkle når vi er på vakt
VI avtaler med stasjonsansv/vaktleiar når vi tar pause og mat/drikke i frivilligteltet. Vi blir ikkje sitjande for lenge, festivalen treng oss.
VI seier ifrå til vår kontaktperson når vi går av vakt, og leverer frå oss ID-kort og vaktvest/forkle
Når vi ikkje har vakt, brukar vi festivalinngangen og oppheld oss ikkje i frivilligområdet
Viss vi har henta ut billettarmband og ikkje møter til avtalt vakttid, får vi rekning på billetten
